Գաղտնիության քաղաքականություն

Թարմացված է՝ 2026-10-07

Այս քաղաքականությունը բացատրում է, թե ինչ տվյալներ է հավաքում L1 Reel Editor-ը, ինչու, ում է փոխանցում և որքան ժամանակ է պահում։ Տվյալների մշակման համար պատասխանատու է անհատ ձեռնարկատեր Լիանա Բաղիյանը (տվյալները՝ էջի ներքևում)։

1. Ինչ տվյալներ ենք հավաքում

• Հաշիվ. email (մուտքը՝ նամակով ստացված կոդով, առանց գաղտնաբառի), գրանցման և պայմաններին համաձայնելու ամսաթիվը։
• Գնումներ. ձեռք բերված փաթեթները, րոպեների մնացորդը և օգտագործման պատմությունը։
• Ձեր վիդեոները. բեռնված վիդեոն, դրանից ստացված խոսքի տեքստը, ստեղծված գրաֆիկան, գնահատականը և պատրաստ վիդեոն։
• Վիդեոյի արդյունքներ (կամավոր). եթե ինքներդ նշեք՝ դիտումներ, հավանումներ, մեկնաբանություններ և հետևորդների քանակ՝ գնահատականի ճշգրտությունը բարելավելու համար։
• Տեխնիկական տվյալներ. IP հասցե և սերվերի տեխնիկական մատյաններ, որոնք անհրաժեշտ են կայքի անվտանգության և աշխատանքի համար։

2. Ինչու և ինչ հիմքով

• Ծառայությունը մատուցելու համար՝ խոսքը ճանաչելու, ենթագրեր, գրաֆիկա և գնահատական ստեղծելու, րոպեները հաշվարկելու համար (պայմանագրի կատարում)։
• Վիդեոները և տեքստը արտերկրի ծառայություններին փոխանցելու համար՝ ձեր համաձայնության հիման վրա, որը տալիս եք գրանցվելիս։
• Վճարումների և հաշվապահական գրառումների համար՝ օրենքի պահանջով։

Մենք ձեր տվյալները չենք վաճառում, չենք օգտագործում գովազդի համար և չենք օգտագործում AI մոդելներ մարզելու համար։

3. Ում և որտեղ ենք փոխանցում

Միայն այն ծառայություններին, առանց որոնց L1 Reel Editor-ը չի կարող աշխատել.

• Խոսքի ճանաչման ծառայություն՝ վիդեոյի ձայնը, խոսքը տեքստի վերածելու համար։
• Արհեստական բանականության (AI) ծառայություն՝ խոսքի տեքստը և վիդեոյից մի քանի փոքր կադր՝ գրաֆիկան պլանավորելու և գնահատականը հաշվելու համար։
• Ամպային տվյալների բազա՝ հաշիվների, րոպեների և վիճակագրության պահպանման համար։
• Հոսթինգի մատակարար՝ սերվեր, որտեղ աշխատում է կայքը և ժամանակավորապես պահվում են վիդեոները։
• Ինեկոբանկ՝ վճարումների մշակման համար։

Այս մատակարարները տվյալներն օգտագործում են միայն մեզ ծառայություն մատուցելու համար, դրանցով AI մոդելներ չեն մարզում, և փոխանցումը կատարվում է գաղտնագրված կապով։ Մատակարարների ցանկը տրամադրում ենք ձեր հարցմամբ։

Փոխանցում արտերկիր. նրանց սերվերները կարող են գտնվել Հայաստանից դուրս, այդ թվում՝ ԱՄՆ-ում և Եվրոպական միությունում։ Գրանցվելիս դուք համաձայնություն եք տալիս նման փոխանցմանը՝ միայն վերը նշված նպատակներով։ Համաձայնությունը կարող եք հետ վերցնել՝ գրելով մեզ. այդ դեպքում վիդեոների մշակումը հնարավոր չի լինի, և հաշիվը կջնջենք։

Բացի այդ, տվյալները կարող ենք տրամադրել միայն պետական մարմիններին՝ օրենքով նախատեսված դեպքերում։

4. Քարտի տվյալների գաղտնիությունը

Վճարման ժամանակ քարտի տվյալները (համարը, գործողության ժամկետը, CVV/CVC կոդը, քարտապանի անունը) մուտքագրվում են անմիջապես Ինեկոբանկի անվտանգ վճարային էջում։ Այդ տվյալները մեզ չեն փոխանցվում, և մենք դրանք չենք տեսնում, չենք մշակում և չենք պահում։ Վճարումները պաշտպանված են 3-D Secure համակարգով, իսկ տվյալները փոխանցվում են գաղտնագրված (TLS) կապով։

Բանկից ստանում ենք միայն վճարման արդյունքը՝ գործարքի համարը, գումարը, ամսաթիվը և կարգավիճակը, որպեսզի րոպեներն ավելացնենք ձեր հաշվին։

5. Cookies

Օգտագործում ենք միայն անհրաժեշտ cookies՝ ձեր հաշվի մուտքը պահելու համար։ Գովազդային կամ հետևող cookies չենք օգտագործում։

6. Որքան ժամանակ ենք պահում

• Վիդեոներ (բեռնված և պատրաստ)՝ 14 օր, հետո ավտոմատ ջնջվում են։ Կարող եք ցանկացած պահի ինքներդ ջնջել դրանք «Իմ հաշիվը» բաժնում։
• Վիդեոյի կադրեր՝ չեն պահվում. օգտագործվում են միայն գնահատման պահին։
• Տեքստ, գնահատական, վիճակագրություն՝ քանի դեռ հաշիվը գործում է, կամ մինչև ջնջելու ձեր խնդրանքը։
• Հաշիվ՝ մինչև ջնջելու ձեր խնդրանքը։
• Վճարումների գրառումներ՝ օրենքով սահմանված ժամկետով, նույնիսկ հաշիվը ջնջելուց հետո։

7. Ձեր իրավունքները

Կարող եք պահանջել տեսնել, ուղղել կամ ջնջել ձեր տվյալները, ստանալ դրանց պատճենը կամ հետ վերցնել համաձայնությունը՝ գրելով hello.l1creators@gmail.com։ Պատասխանում ենք 2 աշխատանքային օրվա ընթացքում և կատարում ենք պահանջը օրենքով սահմանված ժամկետում։ Եթե կարծում եք, որ ձեր իրավունքները խախտվել են, կարող եք դիմել ՀՀ Անձնական տվյալների պաշտպանության գործակալություն։

8. Անչափահասներ

Ծառայությունը նախատեսված է 18 տարին լրացած անձանց համար։ Մենք գիտակցաբար չենք հավաքում անչափահասների տվյալներ։

9. Փոփոխություններ

Քաղաքականությունը կարող է թարմացվել։ Էական փոփոխությունների մասին կտեղեկացնենք կայքում կամ email-ով։ Տես նաև Օգտագործման պայմանները։

10. Կապ

Վաճառող

Լիանա Բաղիյան (Անհատ ձեռնարկատեր)

ՀՎՀՀ

20423165

Հասցե

ք. Երևան, Հայաստանի Հանրապետություն

Էլ. փոստ

hello.l1creators@gmail.com